唔止Toner，精華、面膜、護膚油、潔面…每款產品都有好多選擇，我哋經常強調
「沒有最好的產品，只有最適合你的產品」，
只要我哋了解自己的皮膚屬性，皮膚問題潛在的根本原因，就可以配對最適合的產品，對症下藥，改善並提升皮膚質素。今日同大家講下爽膚水，每一支有咩特色，你又適合用邊一支呢？

第一支講咗無人唔識嘅
Josh Rosebrook Hydrating Accelerator 先啦

Josh Rosebrook Hydrating Accelerator 100ml $290 ／250ml $630
人人都可以用！配合同品牌面膜一同使用，效果係最好最一流。亦都可以推進後續護膚品吸收，繼而提升護膚效能！

補水力：✵✵✵
抗炎力：✵✵✵
修復力：✵✵✵
抗氧力：✵✵
調節多餘油脂分泌：✵✵
抗衰老：✵

質地：極透薄，秒吸
針對皮膚類型：任何皮膚均適合
配合產品：Advanced Hydration Mask、Active Enzyme Exfoliaor、任何天然有機護膚油

以蘆薈葉汁為基礎，輔以沙棘油、大麻籽油、琉璃苣籽油，舒緩鎮静，緩解發紅敏感。同時注入了抗氧化的草本成分，如馬魯拉油、維他命E、薑黃，維持肌膚細胞健康。葡萄籽油、薰衣草可以抗炎抗菌，平時出街噴一噴，仲可以預防口罩肌。不過平心而論，講補濕力，Hydrating Accelerator又唔係去到 5/5 咁高，但佢仍然係must have item，因為佢絕對係同品牌Advanced Hydration Mask、Active Enzyme Exfoliator嘅最佳拍擋，無佢嘅supporting power，上述兩款面膜都唔可以發揮到最好最極致嘅效果。而佢獨特的配方結構，亦可以令之後使用嘅精華、油、乳霜護膚性能大大增強，呢兩個特點亦係嚟緊會講嘅Lovinah爽膚水做唔到的效果。

Lovinah有兩支Toner，兩支都可以獨立係routine入面用作潔面後第一個步驟。

補濕力夠之餘，亦照顧到兩大肌膚類型—混合性肌膚及乾性受損肌膚嘅需要。

1.[新配方升級版] Lovinah Dragon’s Blood Brightening Face Tonic 龍血樹抗氧亮肌爽膚水 100ml $490

補水力：✵✵✵✵
抗炎力：✵✵✵✵
修復力：✵✵
抗氧力：✵✵✵✵✵
調節多餘油脂分泌：✵✵✵✵✵
抗衰老：✵✵
質地：偏向似精華

針對皮膚類型：
混合性肌膚、油性肌膚、暗粒問題、暗沉肌膚
配合產品：日常早晚潔面後routine時第一步驟使用

Lovinah一向唔會俾啲普通成份hea大家，龍血樹抗氧亮肌爽膚水全新配方升級後，強化抗氧力及提亮膚色的功效更出色。新配方沿用蘆薈葉汁，發酵路易波士茶、白荼提取物，並新加入大馬士革玫瑰純露，橙花純露，千葉玫瑰純露，令呢個產品嘅基調就已經富含抗氧化劑，同時具備收斂淨化，消炎鎮靜嘅功能。提亮膚色方面，除咗原本嘅蝦青素，亦添加洛神花粹取、玫瑰果粹取、甜菜萃取，有效清除自由基，抗氧化，改善暗沉的膚色，回復皮膚光澤。配方保留Lovinah嘅signature成份龍血樹液，益生菌、益生元，配合孔乳酸，可以為混合偏油肌膚提供抗炎抗菌效果，同時調節多餘油脂分泌，溫和去除老癈角質。原本舊配方其實已經好有誠意，依家新配方簡直係演繹緊咩係「沒有最好，只係更好」！

2. Lovinah Dragon’s Blood Sacred Water 龍血樹乳香脂保濕鎖水神仙液 50ml $490

補水力：✵✵✵✵
抗炎力：✵✵✵✵
修復力：✵✵✵✵✵
抗氧力：✵✵✵
調節油脂分泌：✵✵
抗衰老：✵✵✵✵

質地：偏向似精華
針對皮膚類型：
乾性肌膚、受損肌膚、乾紋細紋問題、
配合產品：日常早晚潔面後routine時第一步驟使用

龍血樹乳香脂保濕鎖水神仙液，Lovinah又一支精華級別嘅爽膚水。以乳香脂液作為基礎，配合馬齒莧提取物、紅雪藻，除咗有高效抗氧化及抗炎功能，仲可以刺激膠原蛋白的產生，促進DNA修復，預防皺紋及衰老，係一支可以抗衰老嘅爽膚水！入面仲蘊含多達5種不同嘅天然人體神經酰胺，幫助皮膚形成健康屏障，以免皮膚水分流失，防止肌膚乾燥及再次受到刺激，非常適合屏障受損，鎖水能力弱，或者係本身就係乾性皮膚嘅人士使用。

唔好以為Root Science Tonic我哋比較少講就少啲人買，Root Science進駐Tag Concept嘅日子比Josh Rosebrook同Lovinah仲長呀！
所以己經好多資深用家自動波不斷回購再回購。

Root Science Tonic Hydrating Toner 50ml $490

補水力：✵✵✵✵✵
抗炎力：✵✵✵✵
修復力：✵✵✵✵
抗氧力：✵✵✵
調節多餘油脂分泌：✵✵✵
抗衰老：✵✵✵

質地：水與精華之間
針對皮膚類型：
混合性肌膚、乾性肌膚、暗瘡問題
配合產品：日常早晚潔面後routine時第一步驟使用

Root Science Tonic 有13款超高營養花卉及植物水，仲要係13款都擁有有機認證，係威嘅！海帶粹取物有豐富維他命同礦物，可以軟化皮膚，減少細紋和皺紋的出現。瑞士雪絨花，高度抗炎，抗氧化，同持亦可以舒緩敏感刺激。品牌都重點highlight蠟菊呢個成份，為暗瘡皮膚抗炎抗菌，同時促進組織再生，減淡紅腫色印，亦都無咁易留底暗瘡疤痕。

今次就同大家講到呢度先啦☺️
都仲係有嘢唔明？Whatspp 54425298 問我哋啦 ♥️